26 фев 11:37
Янгиликлар
Теннис
Истоминнинг эртанги рақиби фаолиятидаги иккинчи титулини қўлга киритди
Франциянинг Марсель шаҳрида теннис бўйича Open 13 турнири якунланди.
Соврин жамғармаси 718 810 еврони ташкил қилган ушбу турнирда россиялик Карен Хачанов бош мукофотни қўлга киритди. У ҳал қилувчи финал учрашувида франциялик Люка Пуйни 7:5, 3:6, 7:5 ҳисобида мағлубиятга учратди.
Таққослаш учун, Пуй дунё рейтингида 16, Хачанов эса 47-ўринни эгаллаб турибди. Ушбу муваффақиятли иштирок Хачановга 115 150 евро мукофот пули ҳамда 250 рейтинг очкосини тақдим этди. Бу Кареннинг мавсумдаги илк, фаолиятидаги иккинчи соврини бўлди.
Эслатиб ўтамиз, эртага мамлакатимизнинг биринчи ракеткаси Денис Истомин Дубай турнирининг илк даврасида айнан россиялик Карен Хачановга қарши кортга чиқади.
Ҳавола :
Фикрлар