02 апр 14:16
Янгиликлар

Теннис

Изнер "Мастерс"да илк маротаба ғолиб бўлган ёши энг катта теннисчи бўлди

АҚШлик теннисчи Жон Изнер Майамидаги "Мастерс" мусобақасининг финалида Александр Зверевни мағлубиятга учратиб, чемпионликни қўлга киритди.

Бу чемпионлик Изнер учун илк "Мастерс" турнирлари ғолиблиги ҳисобланади. Шу тариқа, 32 ёшли теннисчи фаолиятида илк маротаба бундай турнир ғолибига айланган теннисчилар ичида ёши энг каттасига айланди.

Аввалги рекорд хорватиялик Иван Любичичга тегишли эди. У 2010 йилги Индиан-Уэллс "Мастерс"ида ғолиб бўлганида 31 ёшда эди.