Жаҳон чемпионати. Дзюдочимиз Давлатбек Бобонов чорак финалга чиқди

Аввалроқ мусобақада бугун Давлатбек Бобонов ва Гулноза Матниязова каби дзюдочиларимиз баҳс олиб бориши ҳақида хабар қилгандик. 

-90 кг вазнли полвонимиз Давлатбек Бобонов баҳсларга иккинчи босқичдан қўшилди ва илк жангида япониялик рақибни Golden Score'да мағлуб этди. Учинчи босқичда эса Исроил терма жамоаси аъзоси Ли Кочманга қарши татамига чиққан Бобонов рақибини мағлубиятга учратиб, чорак финалга чиқди. 

Энди у ярим финал йўлланмаси учун қозоғистонлик рақибга қарши баҳс юритади. 

-70 кг вазнли Гулноза Матниязова эса илк жангида германиялик рақибасига имкониятни бой бериб қўйди.