Жаҳон чемпионати. Ўзбекистонлик таэквондочилар қандай натижа кўрсатишди?

Таэквондочиларимиз ушбу мусобақада битта олтин ва битта бронза медалини қўлга киритишди. -41 кг вазн тоифасида юртимиз шарафини ҳимоя қилган Зафарбек Каримов барча рақибларни мағлуб этиб олтин медалга эга чиқди. Олдинги Жаҳон чемпионатларида спортчиларимиз ҳеч қачон финалга чиқа олишмаганди. Шу тариқа Зафарбек кадетлар ўртасида Жаҳон чемпиони бўлган биринчи ўзбекистонлик таэквондочи бўлди. -33 кг вазн тоифасида ҳамюртимиз Муҳаммадамин Алиев эса ярим финалга қадар етиб борди. Афсуски у финал остонасида бўлажак Жаҳон чемпионига мағлуб бўлди ва юртимиз ҳисобига бронза медалини келтирди.

 Тўрт нафар таэквондочимиз Мубина Маъмуржонова, Лайло Зайниддинова, Ўғилой Ибрагимова ва Ксения Смирнова Жаҳон чемпионатини чорак финалда тўхтатишга мажбур бўлишди.  12 нафар спортчимиз 1/8 финал, яна икки таэквондочимиз эса мусобақани 1/16 финалда якунлашди. 

Олдинги учта Жаҳон чемпионатида Ўзбекистонлик таэквондочилар жами 7та бронза медалига эга чиқишганди. Шундай қилиб, бугунги кунга келиб кадетлар ўртасидаги Жаҳон чемпионатида юртимиз спортчиларининг жами медаллари сони 9тага етди. Улардан биттаси олтин, қолган 8таси бронза медалларидир. 

Ким қайси босқичга етиб борди? 

Олтин медаль 

Зафарбек Каримов (-41 кг) 

 Бронза медаль 

Муҳаммадамин Алиев (-33 кг) 

Чорак финал  

Мубина Маъмуржонова (-51 кг) 

Лайло Зайниддинова (-41 кг) 

Ўғилой Ибрагимова (-37 кг)  

Ксения Смирнова (+59 кг)  

 Нимчорак финал  

Абдулазиз Аҳрамов (-65 кг)  

Маҳсуд Маратов (+65 кг)  

Шабона Абдувалиева (-29 кг)  

Айнур Умирзакова (-33 кг)  

Самандар Ҳамдамов (-53 кг)  

Ситора Муҳаммад Ғулом Расул (-47 кг)  

Назарали Назаров (-45 кг)   

Маржона Худойқулова (-44 кг)

Мадина Нуруллаева (-55 кг)  

Омина Ботирова (-59 кг) 

Оятуллоҳ Акрамов (-49 кг) 

Расул Турдимуратов (-61 кг) 

 1/16 финал 

Муҳаммадамин Неъматжонов (-57 кг) 

Аброр Ўлмасов (-37 кг)

 Ўзбекистон таэквондо WTF Ассоциацияси матбуот хизмати