Жаҳон чемпионати. Хоккейчиларимизнинг бугунги рақиби — илк ўйинида 21 та шайба фарқи билан ғалаба қозонган Арманистон!

Тур доирасида Ўзбекистон миллий терма жамоаси мусобақа мезбонлари бўлмиш арманистонлик хоккейчиларга қарши музга чиқади. Ўйин Тошкент вақти билан 21:00 да старт олади.

Кеча бўлиб ўтган дастлабки тур ўйинларида терма жамоамиз Қувайтни 13:3, Арманистон эса Малайзиядан 24:3 ҳисобида устун келганди. Ҳозирда мезбонлар тўплар нисбатидаги фарқ туфайли турнир жадвалида биринчи ўринда бўлиб турибди. Нормундс Сейейс бошчилигидаги Ўзбекистон терма жамоаси эса иккинчи поғонада.

Катта эҳтимол билан бугунги ўйин дивизион ғолибини аниқлаб беради.

Маълумот учун, терма жамоамиз форварди Вадим Кравченко 5 очко (3+2) билан мусобақа тўпурарлари рўйхатида бормоқда.