Жаҳон чемпионати яккалик баҳсларидаги иштирокимизни 13 та медаль билан якунладик + ФОТО

Бироз аввал ўз тарихида 42-маротаба ташкил этилаётган дунё биринчилигининг яккалик баҳслари якунига етди. Иккинчи кунги беллашувларда 3 та олтин, 2 та кумуш медалини қўлга киритдик. -81 кг вазн тоифаси финалида Ҳикматуллоҳ Тўраев Мусо Собировни мағлубиятга учратиб, чемпионлик шоҳсупасига кўтарилди. Тўраев кумуш медалга сазовор бўлди. 

Рустам Шораҳматов (-100 кг) ва Шоҳруҳ Бахтиёров (+100 кг) ҳам ўз вазнларида Ҳарбийлар ўртасида жаҳон чемпиони бўлишди. Ирисхон Қурбонбоева (+78 кг) эса ўзи учун янги вазн тоифасида кумуш медалга эга чиқди. Бронза медали учун татамига чиққан Ширинжон Йўлдошева (-70 кг), Муштарийбегим Афзалова (-78 кг) ва Бекмурод Олтибоев (+100 кг) рақибларига имкониятни бой бериб қўйишди. 

Шу тариқа, Ўзбекистон терма жамоаси 42-Ҳарбийлар ўртасидаги жаҳон чемпионатини 5 та олтин, 5 та кумуш, 3 та бронза медали билан якунлади.

Ғолиб ва совриндор дзюдочиларимиз:  

Олтин медаль 

-52 кг: Гулҳаё Жўраева

-73 кг: Шаҳрам Аҳадов

-81 кг: Ҳикматиллоҳ Тўраев  

-100 кг: Рустам Шораҳматов 

+100 кг: Шоҳруҳ Бахтиёров 

Кумуш медаль 

-48 кг: Ҳалимажон Қурбонова

-63 кг: Нигина Сапарбаева

-66 кг: Абдураҳим Нутфуллаев

-81 кг: Мусо Собиров 

+78 кг: Ирисхон Қурбонбоева

Бронза медаль 

-48 кг: Лазиза Ҳайдарова

-57 кг: Нилуфар Эрмаганбетова

-60 кг: Баҳром Ботуров