Жаҳон чемпионатидан 22та олтин медал билан

Қувонарлиси, таэквондочиларимиз жаҳон чемпионати якунида умумжамоа ҳисобида биринчи ўринни эгалашди.

Мазкур нуфузли мусобақада дунёнинг 32 давлатидан 600 нафардан зиёд спортчилар медаллар учун даянга чиқишди. Терма жамоамиз таркибида 50  нафар спортчи юртимиз спорт шарафини ҳимоя қилгани эътиборга молик ҳолат.

Баҳслар мобайнида тил ва массоги йўналишларида Ойноз Ғаниева, Беҳруз  Шониёзов, Умид Шоғиев, Абдуғофур Эргашбоев, Суҳроб Комилов, Дилноза  Маҳамадалиева, Фуркат Бозоров, Баҳодир Холбеков, Шохжаҳон Бурхонов, Абдукозим Исроилов, Абдурауф Ирисбоев, Жасур Салимов, Ойбек Мирзоҳидов, Хасан Раҳмонов, Абдуғофур Абдуллаев, Фарангиз Алиевалар олтин медалга сазовор бўлишди. Ёшлар, катталар ҳамда фахрийларимиз жами 22та олтин, 16та кумуш, 34та бронза медалини қўлга киритишди.