05 окт 10:30
Янгиликлар

Дзюдо

Жаҳон чемпионатининг аралаш жамоавий баҳсларига ҳам қуръа ташланди

Бугундан Перу давлатининг Лима шаҳрида старт оладиган ёшлар ўртасидаги Жаҳон чемпионатининг сўнги куни аралаш жамоавий беллашувлар ҳам ўтказилади.

Дунёнинг сараланган 12 давлат терма жамоалари иштирок этадиган жамоавий мусобақага қуръа ташланди. Ўзбекистон терма жамоаси ўз иштирокини тўғридан-тўғри 1/4 финалдан бошлайдиган бўлди. Дзюдочиларимиз Туркия ва Перу терма жамоалари ўртасидаги учрашув ғолиби билан тўқнаш келишади.

Катта эҳтимол билан 1/2 финалда Франция, финалда эса Япония терма жамоасига қарши татамига чиқамиз.