22 сен 17:38
Янгиликлар

Дзюдо

Жаҳон чемпионатининг жамоавий баҳсларидаги рақибимиз - Голландия!

Хабар берганимиздек, шу кунларда Озарбайжон пойтахти Боку шаҳрида дзюдо бўйича йилнинг энг нуфузли мусобақаси - жаҳон чемпионати бўлиб ўтмоқда.

Сайёрамизнинг 131 мамлакатидан 800 нафарга яқин спортчи иштирок этаётган йилнинг нуфузли мусобақасида ўзбекистонлик полвонлар ҳам ўз имкониятларини синовдан ўтказишяпти. Ҳозирча яккаликдаги ишларимиз яхши эмас.

Терма жамоамиз жаҳон чемпионатининг жамоавий баҳсларида ҳам иштирок этади. Ўн тўққиз давлат терма жамоалари қатнашадиган мусобақадаги илк рақибимиз голландиялик дзюдочилар бўлишади. Бу иккинчи босқич учрашуви ҳисобланади. Ғолиб томон ярим финалга чиқиш учун Корея, Руминия ва Туркия терма жамоаларининг бири билан тўқнаш келади.