Жаҳон чемпиони Артур Бетербиев фуқаролигини ўзгартирмоқчи

Россиялик жаҳон чемпиони Канада фуқаролигини олиш истагида. Артур бир неча йилдан бери Канаданинг Монреаль шаҳрида яшаб, айнан океан орти мамлакатида ўз жангларини ўтказиб келмоқда.

"Бу ерда доимий яшаш жойим бор. Ҳаммаси босқичма-босқич давом этмоқда. Фуқаролик қабул қилиш учун фурсат етиши билан бу борада сўнгги қадамни ташлайман. Лекин мен ҳар қандай ҳолатда ҳам қалбан россиялик бўлиб қолавераман. Россияда дунёга келдим, ҳаётимнинг катта қисми ватанимда ўтди", - деди Бетербиев.