22 сен 17:34
Янгиликлар

Теннис

Жаҳон терма жамоаси учинчи бор Лэйвер Кубоги соҳиби

АҚШнинг Сан-Франциско шаҳрида теннис бўйича нуфузли Лэйвер Кубоги якунига етди.

Жаҳон ва Европа терма жамоалари ўртасидаги ҳал қилувчи учрашувда дунё юлдузлари зафар қучишди. Аввалига австралиялик Алекс Де Минаур Европа терма жамоаси вакили чехиялик Якуб Меньшикни мағлуб этди - 6/3, 6/4.

Кейин испаниялик Карлос Алькарас аргентиналик Франсиско Черундолодан устун келди - 6/2, 6/1. Ҳисоб Жаҳон терма жамоаси ҳисобига бироз қисқарди - 12:9. Ҳал қилувчи учинчи учрашувда америкалик Тэйлор Фриц германиялик Александр Зверевдан устун келди - 6/3, 7/6(4).

Шу тариқа, Жаҳон терма жамоаси Европа жамоасини 15:9 ҳисобида таслим этиб, учинчи маротаба Лэйвер Кубоги соҳибига айланди.