Жаҳонгир Нажмиддинов Абу-Дабида жанг қилади — рақиб Мисрдан! (+ПОСТЕР)

Ҳамюртимиз 23 декабрь куни Бирлашган Араб Амирликлари пойтахти Абу-Даби шаҳрида ташкил этиладиган ММА бўйича Game of the future турнири доирасида октагонга чиқади. Ўша куни Жаҳонгирга Миср вакили Рамадан Нуман рақиблик қилади.

Жанг енгил вазн тоифасида бўлиб ўтади. Бундан ташқари, спортчилар фижитал ММА (киберспорт) баҳсида ҳам қатнишиши белгиланган.

Маълумот учун, Жаҳонгир Нажмиддинов фаолияти давомида ҳозиргача 21 та жанг ўтказиб, 11 та ғалаба, 8 та мағлубият ва 2 та дуранг қайд этган. Рамадан Нуман ҳисобида эса 11 та ғалаба ва 6 та мағлубият бор.