28 июн 08:02
Янгиликлар

Бокс/ММА

Жаҳонгир Зокиров Zuffa Boxing'даги дебют жанги олдидан тарозига чиқди

29 июнь тонгида АҚШнинг Лас-Вегас шаҳридаги The Chelsea at the Cosmopolitan аренасида проф бокс бўйича Zuffa 8 турнири бўлиб ўтади.

Оқшомнинг асосий жанги доминиканлик Эдвин де Лос Сантос ва Мексика вакили Хосе Валенсуэла ўртасида кечади.

Биз учун аҳамиятлиси, турнир доирасида ҳамюртимиз Жаҳонгир Зокиров америкалик Зачарий Спиллер билан тўқнаш келади. Бу Жаҳонгир учун Zuffa Boxing Лигасидаги дебют жанг бўлади.

Спиллер профессионал боксда 5 та жанг ўтказган ва барчасида ғалабага эришган. Ғалабаларининг 4 тасини муддатидан аввал қўлга киритган. Жаҳонгир эса проф рингда битта жанг ўтказган ва нокаут билан ғалаба қозонган.

Боксчилар кеча жанг олдидан вазн ўлчаш маросимидан ўтиб олишди. Унда Зокиров 114,76 кг, Зачарий Спиллер эса 116,12 кг тош босди.