Жаҳоннинг энг кучли биатлончилари Германияда жам бўлишди

Ушбу материал орқали мухлислар учун биатлон оламидаги қизиқарли маълумотларни етказиб ўтмоқчимиз.

Бугун Германиянинг Оберхоф шаҳрида Жаҳон кубогининг 5-босқичи старт олади. 10 январь куни якунланадиган ушбу босқичда спортчилар спринт, таъқиб пойгаси, аралаш эстафета ва сингл-микст йўналишларида баҳс олиб боришади. 5-босқич дастури эса қуйидагича:

8 январь:
15:30 – спринт, аёллар
18:15 – спринт, эркаклар

9 январь:
16:45 – таъқиб пойгаси, аёллар
18:45 – таъқиб пойгаси, эркаклар

10 январь:
15:30 – аралаш эстафета
18:40 – сингл-микст

Пойгалар Тошкент вақти билан кўрсатилган

Ортда қолган 4 босқичдан сўнг норвегиялик биатлончилар кутилганидек умумий ҳисобда етакчилик қилишмоқда. Эркаклар ўртасида Йоханнес Бьё, аёллар классификациясида эса Марте Олсбю-Ройселаннинг пешқадамлигига гувоҳ бўлиш мумкин. Россиялик биатлончиларнинг эса Жаҳон кубоги босқичларида 2019 йил декабрь ойидан бери “совринсиз” даври давом этмоқда.

Таъкидлаш жоиз, Жаҳон кубогининг 6-босқичига 13-17 январь кунлари Германиянинг Рупольдинг шаҳри мезбонлик қилиши белгиланган эди. Бироқ эпидемиологик вазият сабаб ташкилотчилар Оберхофда кетма-кет икки босқични ўтказишга қарор қилишди.