Жалоловдан реванш олиш истагини билдирган Теремоана проф боксдаги олтинчи жангини ўтказди

Оқшом доирасида ўзбек боксчиларига яхши таниш бўлган австралиялик супероғир вазн тоифасидаги чарм қўлқоп устаси Теремоана Жуниор (6-0, 6 КО) ўзининг проф боксдаги олтинчи жангини ўтказди. У германиялик Осасу Отобо (11-2-1, 5 КО)ни биринчи раунддаёқ техник нокаутга учратди. Бу унинг олтинчи жангидаги олтинчи нокаутли ғалабаси бўлди. 

Эслатиб ўтамиз, кеча 26 ёшли Теремоана ҳамюртимиз Баҳодир Жалоловга қарши проф рингда жанг ўтказиш ва ҳаваскор боксдаги икки мағлубияти учун реванш олиш истагида эканини айтган эди. Жалолов Париж Олимпиадасининг чорак финалида айнан Теремоанани очколар ҳисобига кўра мағлубиятга учратган эди.