Жалоловга рақиб сифатида кўрсатилган Итаума шу йил охиригача камар учун жанг қилади

Ҳозирча Мозеснинг ким билан жанг қилиши маълум эмас. Бироқ унинг промоутери Фрэнк Уоррен йилнинг охирида мижозининг асосий йўналишлардан бирида чемпионлик камари учун жанг қилишига ишончи комил.

"Агар Мозес 8 август куни ғалаба қозонса, йил охирида жаҳон чемпионлиги учун жанг қилади", - деди Уоррен BBC каналига берган интервьюсида. - Лоуренс Околи допинг билан боғлиқ муаммога дуч келгани сабабли, Мозес WBC рейтингида биринчи ўринга кўтарилиши аниқ. WBA ва WBO рейтингларида эса у ҳозирда биринчи ўринда.

Промоутер, шунингдек, Итаума ёш бўлишига қарамай, чемпионлик учун етилган деб ҳисоблайди. У билан танишган кунимиздан бошлаб, унда ҳар доим бу пўлат илдиз мавжуд эди, - деди Уоррен. — У ўсмирликдан то ҳозирги кунигача бўлган йўлни босиб ўтди, нафақат жисмонан, балки руҳан ҳам улғайди. Ҳозир у ҳамма нарсани ўйлаб, фикрини аниқ ифодалайдиган вазмин йигит. Агар у шундай давом этса ва биз ундан кутаётган натижаларга эришса, Мозес нафақат бокс, балки бутун Британия спортининг рамзига айланади. У жуда ақлли.

Август ойидаги жангга келсак, тез кунда Итауманинг рақиби номини айтамиз. Бизда бир нечта номзодлар бор ва бир неча ҳафта ичида қарор қабул қиламиз", - деб ваъда берди Уоррен.

Эслатиб ўтамиз, дастлаб Итаума 25 июль куни рингга чиқиши керак эди, аммо шу куни Энтони Жошуанинг жанг ўтказиши маълум бўлгач, Queensberry Promotions у билан рақобатлашишга уринмасликка қарор қилди ва ўзининг бокс оқшомини 8 августга кўчирди.