Жастин Гэтжи фаолиятини якунлаш ҳақидаги саволга жавоб қайтарди

"Ҳозирча қарор қилганим йўқ. UFC’да ҳамма нарса жуда тез ўзгаради. Олдинда катта жанглар кўп, вазият қандай ривожланишини кўрамиз.

Бу йил икки марта жанг қилдим. Одатда мен бир йилда уч марта октагонга чиқмайман, ҳатто икки жанг ҳам мен учун камдан-кам ҳолат. Энди танамга дам беришим керак. Сўнгги икки жангда бир нечта жароҳатлар билан иштирок этдим, шунинг учун аввало тикланиш муҳим.

Кейин эса воқеалар қандай ривожланишини, қайси жанглар ташкил этилишини ва UFC нима исташини кўрамиз. Охир-оқибат қарорни UFC қабул қилади. Қандай музокаралар бўлишини кўрамиз ва шундан кейин келажагим ҳақида аниқроқ фикр юритиш мумкин бўлади.

Ҳозирча эса чемпионлик мақомидан завқланмоқчиман", — деди Гэтжи TNT Sports’нинг X саҳифасида эълон қилинган видеода.