Жасур Мирзамуҳаммедовнинг навбатдаги жанг санаси ва рақиби маълум

Ушбу турнир 3 декабрь куни бўлиб ўтади. Ҳамюртимиз сенегаллик Омар Канега қарши жанг қилади. 30 ёшли Кане ММАда 5 та жанг ўтказган бўлиб, 4 ғалаба ва 1 мағлубият қайд этган. Сўнгги 4 та жангини айнан ONE FC лигасида ўтказган. Тўртта жангда рақибларини муддатидан аввал мағлуб этган. Кирилл Гришенкодан қабул қилиб олган ягона мағлубиятида ҳам техник нокаут қайд этилган. Кане сўнгги жангини шу йилнинг 29 сентябрь куни ONE Championship 161 турнири доирасида россиялик Батрадз Газзаевга қарши ўтказиб, иккинчи раундда техник нокаут эвазига зафар қучган. 

Маълумот учун, Жасур Мирзамуҳаммедов ONE FC промоушенидаги дебют жангини шу йилнинг 3 июнь куни Сингапурда ташкил этилган турнирда австралиялик Дюк Дидьега қарши ўтказиб, рақибини очколар ҳисобига кўра мағлуб этганди. Ҳамюртимизнинг ONE FC билан шартномаси 2,5 йилга мўлжалланган бўлиб, у шу вақт оралиғида 6 та жангда октагонга чиқиши лозим.