Жавоҳир Синдаров: "Энди бемалол Counter-Strike ўйнасам бўлади"

Партиядан кейин Жавоҳир қарорини изоҳлади.

“Бугунги дуранг яхши натижа. Ҳозирги вазиятда Ҳикару билан узоқ ва оғир партия ўйнаш учун сабаб кўрмадим. Шунинг учун имкон бор жойларда мажбурий вариантларни танладим. 

Агар у узун партия ўйнашни хоҳласа, бунга ҳам тайёр эдим. Лекин у ҳам анча ишончли йўлларни танлашини кутгандим. Ҳатто партиядан олдин тез дуранг бўлишини сезгандим.”

У кечаги партия таъсирини ҳам яширмади:

“Кеча жуда муҳим ўйин бўлди ва анча чарчадим.”

Кейинги режалар ҳақида эса у аниқ гапирди:

“Энди охирги турларда иложи борича ишончли ўйнаш керак. Кимдир мени ютишга ҳаракат қилса ва имкон бўлса, албатта фойдаланаман. Лекин ҳозир мажбуран ғалаба излашнинг ҳожати йўқ.

Яна икки тур қолди. Турнир жуда узун бўлди.”

Дам олиш режаси ҳам тайёр:

“Бугун бироз дам оламан. Балки "Counter Strike" ҳам ўйнарман.

Кейинги турга тайёргарлик ҳақида:

"Аниш Гирига қарши тайёргарликни "ChessBase" орқали қиламан. Партияларини кўриб чиқаман ва вариантларни такрорлайман.

У ижтимоий тармоқларда нима ёзаётгани билан эса қизиқмаяпман. Бу мен учун муҳим эмас.”