ЖЧ-2026 финали чипталари 33 000 долларгача ошди

ESPN нашрининг хабар беришича, 7 май куни ташкилотнинг расмий веб-сайтида 19 июль куни Нью-Жерси штати Ист-Ратерфорддаги "МетЛайф" стадионида бўлиб ўтадиган учрашув учун 32 970 долларлик жойлар пайдо бўлди.

Аввалроқ финал учун максимал чипта нархи 10 990 долларни ташкил этганди. Бироқ бу чипталар энди фақат имконияти чекланганлар томошабинлар учун мавжуд.

14 июль куни Арлингтон (Техас)да ўтказиладиган ярим финал чипталари 11 130, 4330, 3710 ва 2705 долларга баҳоланганди. Эртаси куни Атлантада ўтадиган ярим финал ўйини учун нархлар 10 635, 3545 ва 2725 долларни ташкил этди.

12 июнь куни АҚШнинг Парагвайга қарши очилиш баҳсига мезбонлик қиладиган Инглвуд (Калифорния)да чипталар 2735, 1940 ва 1120 долларга сотувга чиқарилади.

Конгрессменлар Нелли Поу ва кичик Фрэнк Паллоне ФИФА президенти Жанни Инфантинога хат йўллади. Улар ФИФА мухлисларнинг трибунага киришига тўсқинлик қиладиган шаффоф бўлмаган нарх сиёсати, ўзгарувчан қоидалар ва чалғитиши мумкин бўлган амалиётлардан фойдаланаётганидан хавотир билдирди. Конгрессменлар ФИФАдан Жаҳон чемпионати барча мухлислар учун очиқ бўлишини таъминлаш зарурлигини талаб қилди.