Жейк Полнинг Хабиб билан машқ қилиш борасидаги гаплари уйдирма бўлиб чиқди

Мураббий Хавьер Мендес эса ушбу маълумотни рад этди.

"Бўлиши мумкин, аммо биз буни аввал келишиб олишимиз керак. Барчамиз Жейк Пол биз билан машқ қилишини овозга қўямиз. Агарда биргина жангчи ҳам унининг бу ерда бўлишини хоҳламаса, Жейк бизда машқ қила олмайди. 

Гапни бошидан бошласак, у менга бу таклифи ҳақида бир оғиз ҳам айтмади. Ўртамизда ҳеч қандай келишув ҳам йўқ. Жейк жуда ақл билан ҳаракат қилмоқда. У бизнинг исмимизни тилга олиб жуда тўғри юриш қилди. Мен уни қўллаб-қувватловчи хабар ҳам жўнатдим, у эса менга машғулотлар ҳақида гапирди. 

Сен барча даврларнинг энг буюк жангчиси бўлишинг мумкин. Аммо, биз билан машқ қилишинг учун жамоанинг розилигини олишинг керак. Айни дамда унда бундай ҳуқуқ йўқ. Сабаби, у ҳали жамоага қўшилиши ҳақида гапиргани ҳам йўқ. Шу сабаб ҳам, бу мавзу муҳокамага қўйилмайди", - дейди Хавьер Мендес.