Жиу-житсу бўйича Ўзбекистон кубоги бошланди

Кеча мусобақа олдидан расмий жараёнлар бўлиб ўтди. Бугундан асосий беллашувларга старт берилди. Ўзбекистон кубогининг тантанали очилиш маросими соат 14:00да бошланади. 

Беллашувлар Тошкент шаҳридаги “Универсал” спорт саройида бўлиб ўтмоқда. Унда барча ёш тоифалари ўртасида баҳслар ўтказилади. 

Ушбу мусобақада ғолиб чиққан жицерлар миллий терма жамоа таркибида келаси йил ўтказиладиган халқаро турнирларда иштирок этиш имкониятига эга бўлишади.