29 апр 13:44
Янгиликлар

Теннис

Жокович Мадрид "Мастерс" турнирида иштирок этишдан бош тортди

Жаҳоннинг биринчи ракеткаси сербиялик Новак Жокович Мадрид шаҳрида ўтказиладиган "Мастерс" турнирини ўтказиб юборади.

Бу ҳақда мусобақа матбуот хизмати хабар берди.

"Кечиринг, лекин бу йил мен Мадридга келиб, мухлисларим билан кўришиш имконига эга бўлмайман. Икки йил ўтди, бу жуда узоқ вақт. Умид қиламанки, келаси йил биз учрашамиз", - дея Жоковичнинг сўзларини келтиради Mutua Madrid Open матбуот хизмати.

Энди Новак амалдаги рейтинг тизимига кўра 500 очко йўқотади, боиси у 2019 йилги чемпионликни ҳимоя қила олмайди.