12 сен 13:12
Янгиликлар

Теннис

Жокович мукофот пуллари бўйича Федерердан ўтиб кетди

“Катта Дубулға” туркумига кирувчи US Open турнири ғолибига айланган Новак Жокович мукофот пуллари бўйича Рожер Федерерни ортда қолдирди.

АҚШ Очиқ чемпионатидаги муваффақиятли иштироки сербиялик теннисчига 3,8 миллион доллар миқдоридаги мукофот пулини тақдим этган эди.

Шу тариқа, Жоковичнинг фаолияти давомидаги мукофот пуллари 117,8 миллион долларга етди. Рожер Федерерда бу кўрсаткич 117,74 миллион долларни ташкил қилади. Новак Федерердан 27та турнир кам ўтказган.