Жокович "Ролан Гаррос"да 100 та ғалабага эришган дунёнинг иккинчи тирик жони бўлди

Сербиялик теннис афсонаси 1/8 финалда ATP рейтингида 81-поғонани эгаллаб турган британиялик Кэмерон Норрини 6/2, 6/3, 6/2 ҳисобларида мағлубиятга учратди. Бу билан теннисчиларнинг ўзаро учрашувларидаги ҳисоб 6:0 кўринишига келди. 

Икки соату 15 дақиқа давом этган баҳсда Жокович 4, Норри 2 та эйс зарбасини амалга оширди. Қўшхатолар 3 га 1 кўринишида Новакда кўпроқ бўлди. Брейклар бўйича табиийки, устунлик ғолиб теннисчи томонида - 7 га 2. 

Жокович "Ролан Гаррос" турнирларида 100 та ғалабага эришган дунёнинг иккинчи теннисчисига айланди. Бу кўрсаткичга биринчи бўлиб "Катта Дубулға" турнирларининг 22 карра ғолиби Рафаэль Надаль эришганди. 

Энди Новак Жокович 1/2 финал чиптаси учун дунёнинг учинчи ракеткаси германиялик Александр Зверевга қарши кортга чиқади.