30 май 12:57
Янгиликлар

Теннис

Жоковичда қаторасига олтинчи ғалаба, у "Ролан Гаррос" учинчи даврасида

Дунёнинг олтинчи ракеткаси Новак Жокович "Катта Дубулға" туркумига кирувчи "Ролан Гаррос" турнирининг учинчи давра иштирокчисига айланди.

Сербиялик теннис афсонаси иккинчи босқичда ATP рейтингида 73-поғонада бораётган франциялик Корентен Мутени уч сет натижасига кўра мағлубиятга учратди - 6/3, 6/2, 7/6(4). Теннисчиларнинг ўзаро учрашувларидаги ҳисоб йириклашди - 3:0.

Уч соату беш дақиқа давом этган баҳсда Жокович 5, Муте 4 та эйс зарбасини амалга оширган. Серб кетма-кет олтита учрашувда ғалаба қозонди. У фаолиятида 72-маротаба "Катта Дубулға" турнирларининг учинчи даврасига чиқди. Энди у австриялик Филип Мисоличга қарши кортга чиқади.