Жон Жонс UFC`да яна нечта жанги қолганини айтди

"Пуллар – бу мотиватор! Ўйлашимча, пул менга мотивация бермайди дейдиган одамлар ёлғончи. Менга пул ишлаб топиш ёқади. Кейин ўз номимни тарих китобига ёзишни ҳам хуш кўраман. Энг катта орзуим UFC рекордлар китобида абадий қолиш. Яқин йилларда яна иккита катта жангда ғалаба қозонишни истайман. UFC октагонида кечадиган бу катта жангларда имкон қадар кўпроқ пул ишлаб топишни режа қилиб турибман. Шунингдек актёрлик фаолиятимни бошлашни режалаштирганман. Мен ҳамиша актёр бўлишни ният қилганман. Фикримча, камера қаршисида ўзимни яхши тутаман. Реклама роликлари съёмкаларида суратга тушишга ҳам улгурдим", - деди Жонс.  

Маълумот учун, Жон Жонс ўтган ойда дивизионнинг собиқ чемпиони Стипе Миочични учинчи раундда техник нокаутга учратиб, ўз камарини муваффақиятли тарзда ҳимоя қилган эди. Энди у навбатдаги жангини вақтинчалик чемпионлик камари соҳиби британиялик Том Аспиналлга қарши ўтказади. Бу жанг учун Жонс тахминан 30 миллион доллар гонорар олади.