22 июл 12:03
Янгиликлар

Бошқалар

Жон Уолл 4 йилда 170 млн доллар ишлаб олади

“Вашингтон” баскетбол клуби етакчиси Жон Уолл “Уизардз” билан янги 4 йиллик шартнома имзолашга келишиб олди.

Шартномага кўра 26 ёшли баскетболчи ана шу 4 йил учун 170 миллион доллар олади. Уоллнинг ҳозирги шартномаси яна 2 йил кучда бўлади. Бу 2 йиллик келишув унга 37 миллион доллар келтиради.

“Оила аъзоларим ва дўстларим билан маслаҳатлашгач, “Вашингтон”да қолишга қарор қилдим. Шу жамоада фаолиятимни якунлашга ҳам қарши эмасман. Бу ерда эканлигимдан бахтиёрман”, - деди Уолл ESPN телеканалига берган интервьюсида.