01 мар 09:46
Янгиликлар

Хоккей

40 ёшли Овечкин дублга эришди, Гретцкини рекордига 18 та гол қолди

Миллий Хоккей лигасининг навбатдаги тури доирасида "Вашингтон Кэпиталз" клуби Канаданинг Монреаль шаҳридаги "Белл-центр" аренада "Монреаль Канадиен" жамоаси меҳмони бўлди.

Саккизта гол киритилган учрашувда канадалик хоккейчилар йирик 6:2 ҳисобида зафар қучишди. Меҳмонлар сафида ҳар икки шайбага россиялик "Вашингтон Кэпиталз" афсонаси Александр Овечкин муаллифлик қилди.

Шу тариқа, Овечкиннинг плей-оффдаги шайбалари билан ҳисоблаганда киритган голлари сони 998 тага етди. Минглик довонга иккита гол қолмоқда. Александрнинг МХЛдаги голлари сони 921 тани ташкил қилмоқда. Стэнли Кубогида 77 та гол киритган.

Овечкин бу кўрсаткичи бўйича Лигада иккинчи ўринни эгаллаб турибди. Канадалик афсона Уэйн Гретцки ҳисобида 1016 та шайба, 894 – Мунтазам чемпионатда, 122 – плей-оффда). Плей-оффни ҳам қўшиб ҳисобласак, Овечкиннинг Гретцки рекордини янгилашига 19 та гол қолди.