12 янв 09:35
Янгиликлар
Бокс/ММА
Жонни Уокер: "Богданга рақиб топилади, чунки..."
Яримоғир вазн тоифасидаги бразилиялик аралаш яккакураш устаси Жонни Уокер ўзбекистонлик собиқ жамоадоши Богдан Гусковга қарши бекор қилинган жанги ҳақида фикр билдирди.
Улар ўртасидаги баҳс 19 январь тонгида Лос-Анжелесда ташкил этиладиган UFC 311 турнири доирасида ўтказилиши керак эди.
"Мен жиддий жароҳат олдим, шу сабабли кейинги ҳафтада бўлиб ўтадиган UFC 311 мусобақасида қатнаша олмайман. Бундан жуда хафа бўлдим, чунки мен бир неча ой давомида қаттиқ меҳнат қилдим, тинмай машқ қилдим. Начора, шунақаси ҳам бўлар экан. Богданга омад тилайман. Умид қиламанки, унга рақиб топилади, чунки у ҳам кўп куч сарфлади", деди Уокер.
Маълумот учун, Жонни Уокер яримоғир вазн тоифаси UFC рейтингида 9, Гусков эса 12-ўриндан жой олган.
Ҳавола :
Манба : MainCard
Фикрлар