21 окт 08:26
Янгиликлар
Теннис
Жўрабек Каримов Малайзиядаги турнир финалига чиқди
Истеъдодли теннисчимиз Жўрабек Каримов Малайзиянинг Кучинг шаҳрида ўтказилаётган “Фьючерс” туркумига кирувчи турнирда муваффақиятли иштирок этяпти.
Бундан бир неча дақиқа аввал ҳамюртимиз соврин жамғармаси 15 000 долларни ташкил қилувчи мусобақанинг яккалик баҳслари ярим финал учрашувида кортга чиқди. Унинг рақиби япониялик Танума Рийота бўлди.
Бир соату 25 дақиқа давом этган баҳсда Жўрабек рақибини 6:4, 6:2 ҳисобида мағлубиятга учратиб, финалга йўлланма олди. Каримов кеча чорак финалда турнирнинг учинчи ракеткаси қозоғистонлик Денис Евсеевдан 6:1, 6:1 ҳисобида устун келганди.
Эътиборлиси,
Жўрабек Каримов ярим финалгача бўлган барча рақибларини бир хил 6:1, 6:1
ҳисобларида мағлуб этишнинг уддасидан чиққанди. Бу сафар бироз анъана бузилди.
Танума дунё рейтингида 914, Евсеев 514, Жўрабек эса 1030-ўринни эгаллаб турибди.
Ҳавола :
Манба : olamsport.com
Фикрлар