12 мар 09:33
Янгиликлар

Теннис

Жўрабек Каримов Қозонда, унинг илк рақиби мезбон теннисчи бўлади

Истеъдодли теннисчимиз Жўрабек Каримов бугундан Россиянинг Қозон шаҳрида асосий тўр баҳслари бошланувчи турнирда иштирок этади.

Kazan Open мусобақасининг соврин жамғармаси 15 000 АҚШ долларини ташкил этади. Ҳамюртимиз тўғридан-тўғри асосий тўр баҳсларида ўз маҳоратини намойиш қилади.

Қуръа натижасига кўра Жўрабек Каримов биринчи давра учрашувида россиялик Ян Сабанинга қарши кортга чиқади. Теннисчимиз турнирда еттинчи рақам остида таснифланган.