15 мар 08:16
Янгиликлар

Теннис

Жўрабек Каримов Қозондаги турнирда чорак финалга чиқди

Истеъдодли теннисчимиз Жўрабек Каримов Россиянинг Қозон шаҳрида ўтказилаётган турнирда муваффақиятли тарзда иштирок этяпти.

Kazan Open мусобақасининг соврин жамғармаси 15 000 АҚШ долларини ташкил этади. Турнирда еттинчи рақам остида таснифланган ҳамюртимиз биринчи даврада россиялик Ян Сабанинни 7:6(3), 6:4 ҳисобида мағлуб этганди.

Кеча вакилимиз иккинчи давра учрашувида ҳам зафар қучди. Бу сафар у яна бир мезбон теннисчи Тимур Киямовга қарши баҳс олиб борди ва рақибини 2:6, 7:5, 6:2 ҳисобида мағлубиятга учратди.