17 мар 08:17
Янгиликлар
Теннис
Жўрабек Каримов Қозондаги турнирнинг финалида ўйнайди
Истеъдодли теннисчимиз Жўрабек Каримов Россиянинг Қозон шаҳрида ўтказилаётган турнирда муваффақиятли тарзда иштирок этяпти.
Kazan Open мусобақасининг соврин жамғармаси 15 000 АҚШ долларини ташкил этади. Турнирда еттинчи рақам остида таснифланган ҳамюртимиз кеча ярим финалда турнирнинг бешинчи ракеткаси россиялик Павел Котовга қарши кортга чиқди.
Учрашувда Жўрабек рейтингда ўзидан юқорида турган рақибини 6:3, 6:2 ҳисобида мағлуб этди. Бугун у ҳал қилувчи финал учрашувида яна бир россиялик Роман Сафиулинга қарши баҳс олиб боради. Сафиулин турнирда олтинчи рақам остида ҳаракат қиляпти.
Ҳавола :
Манба : olamsport.com
Фикрлар