07 мар 07:59
Янгиликлар

Теннис

Жўрабек Каримов Россия турнири жуфтлигида кортга чиқди

Истеъдодли теннисчимиз Жўрабек Каримов Россиянинг Алметивск шаҳри мезбонлик қилаётган турнирда иштирок этяпти.

“Фьючерс” туркумига кирувчи ушбу мусобақанинг соврин жамғармаси 15 000 АҚШ долларини ташкил қилади. Жўрабек турнирнинг бешинчи ракеткаси сифатида ҳаракат қилмоқда.

Кеча теннисчимиз жуфтликлар мусобақасида кортга чиқди. Россиялик Владимир Поляков билан учинчи рақамли жуфтлик ҳосил қилган Жўрабек илк даврадаёқ мағлубиятга учради. Улар мезбон теннисчилар Тимофей Скатов ва Алексей Захаровга 6:3, 1:6, тай-брекда 5:10 ҳисоида ютқазишди.