15 мар 09:56
Янгиликлар

Теннис

Жўрабек Қозонда турнирнинг биринчи ракеткасига қарши кортга чиқади

Хабар берганимиздек, истеъдодли теннисчимиз Жўрабек Каримов Россиянинг Қозон шаҳрида ўтказилаётган турнирда муваффақиятли тарзда иштирок этяпти.

Kazan Open мусобақасининг соврин жамғармаси 15 000 АҚШ долларини ташкил этади. Турнирда еттинчи рақам остида таснифланган ҳамюртимиз россиялик икки теннисчини мағлубиятга учратиб, чорак финалга йўлланма олганди.

Эътиборлиси, учинчи рақиб ҳам мезбон ракетка устаси бўлади. Жўрабек ярим финал чиптаси учун россиялик Таймураз Габашвилига қарши кортга чиқади. Ўн тўққиз ёшли Жўрабек Каримов дунё рейтингида 580, 32 ёшли Габашвили эса 313-ўринни эгаллаб турибди.