07 мар 18:06
Янгиликлар

Теннис

Жўрабек Россия турнири яккалигидаги иккинчи учрашувини ўтказди

Теннисчимиз Жўрабек Каримов Россиянинг Алметивск шаҳри мезбонлик қилаётган турнирда иштирок этаётганди.

“Фьючерс” туркумига кирувчи ушбу мусобақанинг соврин жамғармаси 15 000 АҚШ долларини ташкил этади. Жўрабек турнирнинг бешинчи ракеткаси сифатида ҳаракат қилаётганди. Ҳозиргина ҳамюртимиз иккинчи давра учрашувида кортга чиқди.

Унинг рақиби россиялик Дмитрий Воронин бўлди. Саралаш мусобақаси орқали асосий тўрга етиб келган бу теннисчи илк босқичда ҳамюрти Дмитрий Минушкиндан 6:0, 6:0 ҳисобида устун келганди. Роппа-роса бир ярим соат давом этган баҳсда Воронин 7:5, 6:0 ҳисобида зафар қучди.