06 авг 11:45
Янгиликлар

Теннис

Жўрабек ва Шониғматнинг Минск турниридаги рақиблари маълум

Хабар берганимиздек, Беларусь пойтахти Минск шаҳрида теннис бўйича “Фьючерс” туркумига кирувчи турнир бўлиб ўтмоқда.

Соврин жамғармаси 15 000 АҚШ долларини ташкил қилувчи ушбу мусобақада икки ҳамюртимиз - Жўрабек Каримов ва Шониғмат Шофайзиев ҳам иштирок этяпти. Жўрабек ўз иштирокини тўғридан-тўғри асосий тўрдан бошлайди. Шофайзиев эса саралаш мусобақасидаги муваффақиятли иштироки сабаб бундай имкониятга эга бўлди.

Қуръа натижасига кўра учинчи рақам остида таснифлангани Жўрабек Каримов асосий тўрнинг илк даврасида латвиялик Артурс Лаздинсга қарши кортга чиқади. Шофайзиевнинг биринчи босқичдаги рақиби эса еттинчи рақам остида таснифланган туркиялик Анил Юксел бўлади.