Жошуанинг менежери жангни ташкил этиш кечикаётгани учун Яқин Шарқ ташкилотчиларини айблади

У Жошуанинг WBC, WBO, IBO, WBA Super, The Ring, IBF йўналишларида собиқ жаҳон чемпиони, яна бир британиялик чарм қўлқоп устаси Тайсон Фьюрига қарши жангини ташкил этиш нима учун чўзилиб кетаётганини маълум қилди.

"Улар қилмоқчи бўлган нарса — тадбир ўтказиладиган жойдаги фарқ туфайли Энтони Жошуага камроқ пул тўлаш. Бундан ташқари, ундан бир қатор қўшимча мажбуриятларни бажариш талаб қилинмоқда. Мен жанжал кўтармоқчи эмасман, гарчи буни жуда осонлик билан қила олсам ҳам. Аммо Жошуанинг шартномасида аллақачон бузилишлар бўлган, биз уларга кўз юмдик, чунки бу одамлар бизнинг ҳамкорларимиз ва дўстларимиз ҳисобланади ёки шундай бўлган. Ҳозир маълум бир ўйин кетмоқда", — дея Хирннинг сўзларини келтиради Everything Boxing аккаунти Х ижтимоий тармоғида.