13 май 20:21
Янгиликлар

Таэквондо

Кадетлар ўртасидаги Жаҳон чемпионати: Бугуннинг ўзида 1 та олтин ва 1 та бронза медалини қўлга киритдик!

Бирлашган Араб Амирликларининг Фужайра шаҳрида давом этаётган кадетлар ўртасидаги Жаҳон чемпионатининг тўртинчи куни терма жамоамиз учун анчайин омадли кечди.

Кун давомида Константин Ли бошчилигидаги жамоамизнинг тўрт нафар аъзоси баҳсларга киришганди. Қувончлиси, улардан икки нафари якунда шоҳсупадан жой олди. Йигитлардан Никита Бибиков (65 кг) ўз дивизионида тенгсиз бўлган бўлса, қизларимиздан Райҳона Асанбаева бронза медалига эга чиқди.

Олтин:

Никита Бибиков (61 кг).

Бронза:

Райҳона Асанбаева (41 кг).

Шундай қилиб, мусобақадаги медалларимиз сони 3 тага етди: 2 та олтин ва 1 та бронза.