Калинская Мидлендда матчболдан чиқиб кетди

WTA рейтингида 115-поғонада бораётган россиялик Анна Калинская 1/2 финалда дунёнинг 54-ракеткаси, америкалик Алисия Парксга қарши кортга чиқди ва иродали ғалабага эришди - 3/6, 7/6(3), 6/3. Россиялик теннис маликаси иккинчи сетда 5/6 ҳисоби ҳолатидаги матчболдан чиқиб кетди. 

Анна теннисчиларнинг ўзаро ўтказилган иккинчи учрашувида ҳам зафар қучди. Икки соату 5 дақиқа давом этган баҳсда Калинская 1, Паркс 9 та эйс зарбасини амалга оширган. Қўшхатолар 1 га 12 кўринишида Алисия фойдасига бўлди. Бугун Калинская бош соврин учун хорватиялик Яна Феттга қарши баҳс олиб боради.