03 авг 10:05
Янгиликлар
Бокс/ММА
Камарини ҳимоя қилган Олимжон, рақибини чуқур нокаутга учратган Абдулазизбек Ватанга қайтди + ФОТО
Кеча тунда профессионал боксчиларимиз Олимжон Назаров ва Абдулазизбек Нажмиддинов Вьетнамдан юртимизга қайтиб келишди.
Уларнинг ҳар иккиси ҳам ўз жангларини ғалаба билан якунлаб олишган эди. Назаров филиппинлик Биенвенидо Лигасни 12 раунд тўлиқ давом этган жангда 114:113, 115:112, 115:112 ҳисобларида таслим этган ва ўзига тегишли WBO Oriental камарини яна бир бор муносиб тарзда ҳимоя қилганди. Олимжоннинг проф рингдаги рекорди 28-5-0, 15 КО кўринишига келди.
30 июль кунги оқшомда яна бир чарм қўлқоп устамиз Абдулазизбек Нажмиддинов (10 ғалаба, 8 нокаут) ҳам ўз жангини ўтказди. Унинг 8 раундлик жангдаги рақиби индонезиялик Риво Кундиманг (9 ғалаба (5 нокаут), 4 мағлубият, 2 дуранг) бўлди. Ҳамюртимиз Ривони чуқур нокаут эвазига мағлубиятга учрата олди.
Ҳавола :
Манба : olamsport.com
Фикрлар