23 май 12:25
Янгиликлар

Камилла Раҳимова "Ролан Гаррос" асосий тўр илк даврасидаги рақибасини билиб олди

24 май — 7 июнь кунлари асосий тўр баҳслари ўтказилувчи "Катта Дубулға" туркумига кирувчи, умумий мукофот жамғармаси 61 млн 700 минг еврони ташкил этувчи "Ролан Гаррос" турнирига қуръа ташлаш маросими бўлиб ўтди.

Мусобақанинг асосий тўрида ягона вакиламиз Камилла Раҳимова иштирок этади. У рейтингдаги ўрни бўйича тўғридан-тўғри асосий тўр турнирида қатнашиш ҳуқуқини қўлга киритганди. Қолган икки теннис маликамиз - Мария Тимофеева саралашнинг 1/2 финалида, Полина Кудерметова эса финал учрашувида мағлубиятга учради.

Қуръа натижасига кўра, мамлакатимизнинг биринчи ракеткаси илк даврада руминиялик Жаклин Кристианга қарши кортга чиқадиган бўлди. Айни пайтда Раҳимова WTA рейтингида 89, Жаклин эса 33-ўринни эгаллаб турибди. Ушбу учрашув 25 май кунига белгиланган.

Ушбу жуфтлик ғолиби иккинчи босқичда Захарова - Мухова учрашувида зафар қучган теннисчи билан тўқнаш келади. Эҳтимолий рақиба чехиялик Каролина Мухова мусобақада 10-рақам остида сараланган.