Камондан отиш: “Қўмондон кубоги”да кучлилар аниқланди

Қизиқарли кечган баҳслар сарҳисобига кўра, Самарқанд, Фарғона Бухоро вилоятлари ҳамда Тошкент шаҳри вакиллари энг кўп совринли ўринларга эгалик қилди. Яккалик мусобақаларда Аббос Абдуғаниев, Улуғбек Шониёзов, Ортиқжон Сотволдиева, Зилолахон Бобоқулов каби ёшлар ғолиблик шоҳсупасидан жой олди.

“Қўмондон кубоги” мусобақасида ғолиб ва совриндорликка эришган спортчиларни тақдирлаш маросимида спорт вазири ўринбосари Шаҳрулло Маҳмудов, Тошкент вилояти ҳокими ўринбосари Жамшид Бобожонов, Чирчиқ шаҳар ҳокими Муроджон Абдураҳимов, Ўзбекистон давлат жисмоний тарбия ва спорт университети ректори Рашид Маткаримов шунингдек, Европа Паралимпия қўмитаси бошқарув кенгаши аъзоси, Польша Паралимпия қўмитаси президенти Лукас Сзелига бошчилигидаги делегация аъзолари иштирок этди.