Канадада жаҳон чемпионати якунланди. Медаллар қайси жамоаларга насиб этди?

Дастлаб "Rogers Place" муз саройида Россия ва Финляндия терма жамоалари ўртасидаги бронза медали учун учрашув бўлиб ўтди. Сўнгги дақиқада киритилган иккита шайба эвазига финлар 4:1 ҳисобида зафар қучиб, жаҳон чемпионатининг бронза медалини қўлга киритишди. Руслар ўз тарихларида илк бор бронза учун ўйинни бой беришди. 

Шундан сўнг АҚШ ва мезбон Канада терма жамоалари ўртасидаги финал учрашувига навбат берилди. Олтмиш дақиқадан иккитагина шайба киритилган ўйинда бироз кутилмаган натижа қайд этилди - Канада - АҚШ - 0:2! Америкалик хоккейчилар ўз тарихларида бешинчи бор ёшлар ўртасида жаҳон чемпионига айланишди. 

БРОНЗА УЧУН ЎЙИН

Финляндия U-20 – Россия U-20 – 4:1 (0:1, 1:0, 3:0)

«Rogers Place» арена

0:1 – 6 Сафонов (Грошев)

1:1 – 25 Лунделль (Мянтюкиви, Ниемеля)

2:1 – 41 Петман (Хелениус, Виро)

3:1 – 58 Лунделль 

4:1 – 59 Пярссинен (Пююхтия)

Дарвозабонлар: Пииройнен 28/29 – Аскаров 28/30.

ФИНАЛ

Канада (U-20) – АҚШ (U-20) – 0:2 (0:1, 0:1, 0:0)

«Rogers Place» арена

0:1 – 13 Тюркотт (Зеграс, Хеллесон)

0:2 – 21 Зеграс (Калиев)

Дарвозабонлар: Леви 19/21 – Найт 34/34.