08 июл 13:33
Янгиликлар

Бокс/ММА

Канелонинг мураббийи Головкиннинг Биволдек уруша олмаслигини айтди

Эдди Рейносонинг фикрича, Геннадий Головкин Сауль Альварес билан Дмитрий Биволчалик масофавий жанг қила олмайди.

"GGG'да бунинг учун жисмоний салоҳият йўқ. Унинг қўли Биволникидек узун эмас. Геннадий кўп "жэб" зарбалар йўллай олмайди, ҳаракати секин. У бошга йўлланган зарбалар ҳисобига ғалаба қозонишга ҳаракат қилади. Геннадий олдинги қўли билан ҳаракат қилади.

Биз ё очколар эвазига ёки нокаут билан ғалаба қозонишга яқинмиз. Иккиси ҳам нокаут қилувчи зарбаларга эга. Ҳа, Канело эрта ғалаба қозониши мумкин, GGGда ҳам шундай ҳолат. Хуллас, бизни қийин синов кутяпти", - деди Рейносо Fight Hub TV YouTube каналига берган интервюсида.

Маълумот учун, Бивол ва Альварес ўртасидаги илк жанг 8 май тонгида бўлиб ўтган эди. Аввалроқ, Эдди Рейносо Сауль Алвареснинг Дмитрий Биволни мағлуб этишга яқин бўлганини айтган эди.