Канзасдаги бокс кечаси иштирокчилари тарозига чиқишди, улардан бири 143 кг тош босди

DAZN бокс оқшомининг қизиқарли жангларидан бирида америкалик супероғир вазн тоифасидаги боксчи Жаррелл Миллер Богдан Динга қарши рингга кўтарилади. Миллер 143, унинг рақиби 108 кг тош босди. Ғолиб боксчи вақтинчалик WBA-NABA ҳамда вакант бўлиб қолган WBO NABO чемпионлик камарини қўлга киритади. 

Аёллар ўртасида ўрта вазнда WBA ва IBF йўналишлари чемпиони Кларисса Шилдс (72,4 кг) Ханна Рэнкиндан (71,9 кг) ўз камарларини ҳимоя қилади. Ушбу жангда вакант бўлиб қолган WBC чемпионлик камари ҳам ўртага қўйилади. Ушбу камар германиялик Кристин Хаммерга тегишли эди. Хаммерда ҳозир WBO камари бор. 

Аслида эртага Шилдс ва Хаммер мултоқ жаҳон чемпионлиги учун ўзаро жанг ўтказишлари керак эди. Лекин Хаммер тиббий текширув хулосаларига кўра жангда иштирок эта олмаслигини маълум қилди. Бу жанг энди келаси йилнинг баҳорида бўлиб ўтади.