16 июл 07:28
Янгиликлар
Каратэ
Каратэ. Осиё чемпионатида бронза билан кифояландик
11-15 июль кунлари Иорданиянинг Амман шаҳрида каратэнинг олимпия оиласига мансуб WKF йўналиши бўйича Осиё чемпионати бўлиб ўтди.
Ушбу мусобақада икки нафар ўзбекистонлик спортчи совриндорлар қаторидан ўрин олишга муваффақ бўлди. -60кг вазн тоифасида Садриддин Сайматов, -67кг вазн тоифасида эса Иқболжон Узоқов бронза медалини қўлга киритди.
Яна икки нафар спортчимиздан эса афсуски бронза медали учун жангда омад юз ўгирди ва бешинчи ўрин билан чегараланишди. Етакчиларини жароҳатлардан сақлаш мақсадида терма жамоамиз жамоавий кумите баҳсларида иштирок этмади.
Қайд этиб ўтиш лозимки, мусобақа каратэчиларимиз учун Осиё ўйинларига тайёргарликнинг сўнгги босқичи бўлди. Мусобақа орқали спортчиларимизнинг техник ва рухий томонлари яна бир маротаба кўздан кечирилди.
Ҳавола :
Манба : olympic.uz
Фикрлар