Каратэчилар Premier League турниридан қайтиб келишди ФОТОРЕПОРТАЖ

Ислом Каримов номидаги Тошкент Халқаро аэропортида Ўзбекистон терма жамоаси делегациясини тантанали кутиб олиш маросими бўлиб ўтди.

Маросимда Жисмоний тарбия ва спорт вазирлиги, Миллий олимпия қўмитаси, каратэ WKF федерацияси вакиллари ҳамда оммавий ахборот воситалари ходимлари ҳозир бўлдилар.

Мазкур турнирда АҚШ, Франция, Колумбия, Мексика, Бразилия, Греция, Италия, Грузия, Арманистон, Россия, Баҳрайн, Қирғизистон, Молдова, Руминия, Сербия, Бельгия, Финляндия, Қозоғистон, Ўзбекистон каби 72 мамлакатдан 584 нафар спортчи иштирок этди.

Улар орасида Ўзбекистон миллий терма жамоасининг 6 нафар спортчиси ҳам қатнашиб, мусобақа якунига кўра 60 кг. вазн тоифасида Садриддин Сайматов бронза, 75 кг. вазнда Достонбек Отаболаев кумуш медални қўлга киритди.

Каратэ афсонаси Хўжамқул Хўжақулов (суратда чап томонда)

Суратлар муаллифи - Алимурод МАМАДАМИНОВ, ўз мухбиримиз