Кардида чемпионлик жанги бўлган UFC 327 турнири иштирокчилари тарозига чиқишди

UFC 327 турнири иштирокчилари эртанги жанг олдидан расмий вазн ўлчаш маросими ҳамда сўнгги face to face маросими ўтказилди. Оқшомнинг асосий воқеаси Иржи Прохазка ва Карлос Ульберг ўртасида ярим оғир вазн тоифасидаги вакант чемпионлик камари учун жанг бўлади.

Чемпионлик жанги иштирокчилари белгиланган вазн меъёрини бажаришди - чехиялик аралаш яккакураш устаси 92.08 кг, янги зеландиялик эса 92.53 кг натижа қайд этди.

Иккинчи муҳим жанг иштирокчилари россиялик Азамат Мурзаканов ва бразилиялик Пауло Коста ҳам ярим оғир вазн тоифасидаги лимитга киришда ҳеч қандай муаммога дуч келмади ва ҳар бири 92,99 кг натижа кўрсатди.

Эрта прелим карддан ўрин олган битта жанг иштирокчиси белгиланган вазн меъёрини бажара олмади. Крис Падилла енгил вазн учун белгиланган вазндан 0.91 кг кўпроқ вазн кўрсатди. Энди у ўз гонорарининг маълум бир қисмини рақиби Маркел Медеросга беради.

UFC 327 турнири иштирокчилари:

Асосий жанглар

Иржи Прохазка (92.08 кг) – Карлос Ульберг (92.53 кг) – ярим оғир вазн вакант чемпионлик камари учун

Пауло Коста (92.99 кг) – Азамат Мурзаканов (92.99 кг)

Кёртис Блэйдс (118.39 кг) – Жош Хокит (105.69 кг)

Доминик Рейес (92.99 кг) – Жонни Уокер (92.99 кг)

Нейт Ландвер (65.77 кг) – Каб Свонсон (66.22 кг)

Прелим кард жанглари

Патрисио Фрейре (65.77 кг) – Аарон Пико (65.77 кг)

Рэнди Браун (77.56 кг) – Кевин Холланд (77.56 кг)

Матеуш Гамрот (70.76 кг) – Эстебан Рибович (70.31 кг)

Лупита Годинез (52.62 кг) – Татьяна Суарес (52.62 кг)

Эрта прелим кард жанглари

Маркел Медерос (70.31 кг) – Крис Падилла (71.67 кг)*

Келвин Гастелум (83.91 кг) – Висенте Луке (83.91 кг)

Франсиско Прадо (77.11 кг) – Чарльз Радтке (77.11 кг)